సుబ్బలక్ష్మి అత్తయ్య , రెండు దువ్వెనలు కొప్పులో దూర్చుకొని-పైట నడుములో దోపుకొని-రెండు తెల్ల తువ్వాళ్ళు తీసుకొచ్చి రవి చేతికిచ్చింది. రవి నా మంచము పక్కనే చిన్న స్తూల్ మీద కూచొంట్-సుబ్బలక్ష్మి అత్తయ్య రవి ముందు కూచుంది. రవి నెత్తిమీద ముడిలోని పిన్నులు తీస్తూ ” పిన్నీ , జుత్తు కొసలు ఒక అంగుళం కట్ చేస్తాను. అప్పుడు జడ చివరలు బాగా ఉంటాయి, జుత్తు పెరుగుంది.” అని రవి అన్నాడు. ”
ఇప్పుడే చేస్తావా ” అంది అత్తయ్య. “నువ్వునిలబడితే 10 నిమిషాలు కట్ చేయడానికి-ఆ తర్వాత నీ తలలో పరిగెడుతున్న పేల మీద నా దాడి”అన్నాడు రవి విప్పిన జుత్తుని వేళ్ళతో పైనుంచి కింద వరకు సవరిస్తూ . రజని” చేయించుకోండి అత్తయ్యా , రవి ఏదీ అవసరము లేనిదే చెప్పడు ” అంది. ” కానీవయ్యా రవీ నా కోడలు కూడా చేయించుకోమంటోంది ” అంది సుబ్బలక్ష్మి అత్తయ్య.అత్తయ్యని లేపుతూ ” ప్రమీ మన కత్తెర తీసుకురా ” అన్నాడు. నేను కత్తెర తెచ్చేసరికి- అత్తయ జుత్తుని దువ్వి కొసలు సరిచేస్తున్నాడు. రవి అత్తయ్య జుత్తుని దువ్వుతూ చివరలు ఒక అంగుళం కత్తిరించగానే – ఆ జుత్తు కిందపడింది. జుత్తుని జాగ్రత్తగా ట్రిం చేయడానికి రవి 20 నిమిషాలు తీసుకున్నాడు.
