పొద్దుట భవానీ కి తలకి బాగా ముందు నూనె పట్టించుతూ ఉంటే ” ఏమిటి భవానీకి అంత నూనె రాసేస్తున్నావు ” అంది సుబ్బలక్ష్మి. నేను నవ్వుతూ ” రవి ఇవాళ భవానీకి నలుగు పెట్టి తలంటుతాడు.నాకు 15 రోజులకి ఒక సారి , భవానీకి నెలకి ఒకసారి చేస్తాడు. ఇక్కడ కి వచ్చినప్పుడు రజనీకి కూడా రెండు సార్లు నలుగు పెట్టి తలంటాడు ” అన్నా.
చేతులు కడుక్కొని వచ్చి- రజనీకి, నాకు జుత్తులకి నూనె రాసి,నెత్తిమీదకి ముడులు కట్టాడు.’పిన్నీ వస్తే నీకు రాసి, ప్రమీలకి స్నానం చేయించి వస్తాను. తరవాత భవానీతో 3 గంటల పని ” అన్నాడు.సుబ్బలక్ష్మి కి తలకి నూనె రాసి రెండు చేతులతో మాసాజ్ చేస్తూ, “భోజనాలు అయాక నీకు పేలు తీస్తా పిన్ని, భవానీ అప్పుడు మస్తుగా పడుక్కొంటుంది ” అన్నాడు మధ్యలో కనిపించిన పేనుని తీసి చేతులో పెడుతూ . సుబ్బలక్ష్మి కి తల దువ్వుతూ,ఒక అరగంట సేపు పేలు తీసి అప్పుడు నెత్తిమీదకి జుత్తుని ముడి వేసి ” నువ్వు నీ స్నానం అదీ చేసుకో, నేను ప్రమీల పనులు చూడాలి ” అన్నాడు రవి.
