மணி இரவு 11:00, ராமு அன்று அவ்வளவு குடிப்பான் என்று நான் எதிர்பார்க்கவேயில்லை. ஏதோ குடும்பக் கவலை என்று மட்டும் தெரிந்து கொண்டேன். என்னை வா.. பாருக்குப் போகலாம், கம்பெனி கொடு என்று கூப்பிட்டான், கம்பெனி கொடுத்தேன். அவன் நல்லா குடிப்பதைப் பார்த்ததும், நான் இல்லாமல் அவன் தனியாக போகமுடியாது என்று உணர்ந்து நான் குடிப்பதை நிறுத்திக் கொண்டேன். ராமுவுக்கு 27 வயது தான் ஆகுது. 2 வருடம் முன்பு தான் திருமணம் நடந்தது. நானும் அவனும் 4 வருடம் முன்பு வரை நல்ல நண்பர்கள். ஒரே காலேஜ், ஒரே ஸ்கூல், ஒரே தெரு. ராஜு … ராஜு… என்று எப்போதும் என் கூடவே சுத்துவான் ( ஆமாம், அது தான் என் பெயர் ). நான் அவனை விட ஒரு வயது தான் மூத்தவன். 4 வருடத்துக்கு முன்பு நான் சவுதி போய் விட்டேன். பிறகு அதிகம் தொடர்பே இல்லாமல் போய்விட்டது. இப்போது 6 மாதமாக சவுதியை ஓய்து விட்டு சென்னைக்கு திரும்பி வந்து விட்டேன். பெண் பார்க்கும் படலம் நடந்து கொண்டிருக்கிறது. திரும்பி வந்தபின் ராமுவுக்கு திருமணம் ஆகிவிட்டதால் அவனை தொந்தரவு செய்யக் கூடாது என்று ஒரே ஒரு நேரம் அவன் வீட்டுக்குப் போய் வந்தேன், பிறகு நானே தனியாக சுற்றத் துவங்கியிருந்தேன். அப்போது தான் ராமு வீட்டுக்கே தேடி வந்துவிட்டான். மீண்டும் ஏன் வீட்டுக்கு வரவில்லை என்று கோபப்பட்டான். பாருக்குப் போகலாம் என்று கூட்டி வந்தான். நிறைய பேசினோம், தான் வேறு ஒரு பெண்ணை காதலித்ததாவும், பிடிக்காத பெண்ணை தன் தலையில் கட்டிவிட்டதாவும் புலம்பினான். அதனால் இப்போதெல்லாம் நிறைய குடிப்பதாகக் கூறினான்.
