அனைவருக்கும் வணக்கம், என் பெயர் ராஜேஷ். வயது 40, சொந்த ஊர் திருச்சி. அன்புள்ள தோழி ஷைலா என்ற தலைப்பில் என் 25 வயதில் நடந்த அனுபவத்தை பகிர்ந்து கொண்டேன்.
என் அனுபவம் காமம் சார்ந்தது அல்ல என்று ஆரம்பத்திலேயே நான் குறிப்பிட்டு இருந்தாலும், மேலும் என் அனுபவத்தை படித்து ஆயிரக்கணக்கானோர் விருப்பம் தெரிவித்து இருந்தீர்கள். அனைவருக்கு எனது மனமார்ந்த நன்றிகள்.
இது எனது இரண்டாவது அனுபவம். என் 26 வயதில் நடந்தது, ஆனால் இது காமமா இல்லையா என்பதை நீங்கள் தான் எனக்கு கூறவேண்டும். பெரிதாக நண்பர்கள் இல்லாத காரணத்தினால், நட்புக்கு அதிகம் முக்கியத்துவம் கொடுக்கும் மனம் கொண்டவன் நான்.
ஷைலா தனது கணவருடன் வெளிநாடு சென்றுவிட்டாள். மனம் நொந்துபோனேன். அவள் இல்லாத அந்த வீடு ஏனோ சுடுகாடு போல தோன்றியது. அலுவலக வேலையிலும் கவனம் செலுத்த முடியவில்லை. அவ்வப்போது அவள் பெற்றோர் என்னை பார்க்கும் போது ஷைலாவை பற்றி கூறுவார்கள்.
ஆனால் அது எந்த பலனையும் எனக்கு அளிக்கவில்லை. அவள் சிந்தனைகள் அதிகமாகவே இருந்தது. சில மாதங்கள் கடந்தன. எனக்கு எந்த மாற்றமும் தெரியவில்லை.
இனி என் வாழ்க்கை பற்றி சிந்திக்க முடிவெடுத்தேன். வீட்டையும் காலி செய்து வேறு வீடு சென்று விட்டேன். மாதத்தில் 2-3 தடவை திருச்சி சொந்த ஊர் சென்று வந்தேன். ஷைலா இருக்கும் பொழுது அவள் என்னை போக விடமாட்டாள்.
நான் சென்று வருகிறேன் என்றால், ராஜு நீயும் என்னை தனிமையில் விட்டு போகின்றாயே என்று செல்லமாக கோபித்து கொள்வாள். ஆனால் அன்று என்னை தனிமையில் விட்டு தன் கணவருடன் வெளிநாடு சென்று விட்டாள். என் மனதளவில் ஷைலா மட்டும் என்னை விட்டு செல்வது நியாயமா என்று என் மனம் கோபித்து கொண்டாலும், அவள் வாழ்க்கையை நினைத்து மௌனமானேன்.
