நகர வாசிகள் தான் நல்லவர்கள், வல்லவர்கள், நாலும் தெரிந்தவர்கள். அவர்கள் சொர்க்கத்தில் வாழும் பாக்கியவான்கள். அடுத்தவனை பார்த்து பொறாமைப்பட, அவனை கெடுதல் செய்யக் கூட நேரம் இல்லாமல். இயந்திரமாய் இயக்கி கொண்டிருக்கும் நகர மனிதர்கள் மட்டும் தான் இந்த பூமியின் அதிர்ஷ்டசாலிகள் என்று நினைத்துக் கொண்டு இருந்தேன்.
ஆனால் அதெல்லாம் ஒரு மிகையான கற்பனை, நகரவாசிகள் நரகவாசிகள் என்பது நகரத்தில வாழ ஆரம்பித்த பிறகு தான் புரிந்தது. கிராம வாழ்க்கை தான் சொர்க்கம். நகர வாழ்க்கை நிஜத்தில் நரக வாழ்க்கை தான். கிராமத்தில் வெள்ளந்தியான மனிதர்களை பார்த்து,பழகிய பிறகு நகரத்தில் அதுவும் வேலை பார்க்கும் இடத்தில்,அக்கம் பக்கத்தில் புழங்கும் மனிதர்களில் பெரும்பாலும் விஷ ஜந்துக்கள் என்பதை அறிந்த பிறகு தான் என் கிராமத்து மக்கள் எனக்கு மனித கடவுள்களாக தெரிந்தார்கள். ஒரு கட்டத்துல போங்கடா நீங்களும் உங்க மயிரு வேலையும்னு தூக்கி போட்டுட்டு என் சொந்த ஊருக்கே வந்து செட்டில் ஆனேன்.
