டிவி சீரியலுக்கு நடிக்க நடிகர் நடிகைகளை செல்க்ட் செய்வதற்காக நானும் என் நண்பனும் பெங்களூருக்கு போய் இருந்தோம். நாங்கள் ஏற்கனவோ டிவி,ரேடியோ,பேப்பரில் சீரியலில் நடிக்க ஆடிஷன் சார்பாக விளம்பரம் செய்து இருந்ததால் ஒரு பெரும் நடிப்பில் ஆர்வம் கொண்ட ஆண் பெண்களின் படையே நாங்கள் தங்கி இருந்த ஹோட்டலை சூழ்ந்து விட்டது. இந்த மோகம் இருக்கும் வரை சினிமா உலகையும்,சினிமா அரசியல் உலகையும் இனி அடுத்த நூற்றாண்டு வரை யாரும் அசைக்க முடியாது,அசைக்க முடியாது என்று மார் தட்டிக் கொண்டோம்.
இதை நாங்கள் எதிர்பார்க்கவே இல்லை ஹோட்டல் நிர்வாகத்தினர் எங்களை கடிந்து கொண்டு உடனே ஹோட்டரை காலி செய்ய சொன்னார்கள். அல்லது முறைப்படி போலீஸ் பாதுகாப்போடு நடத்தும் படி சொல்லி அட்வைஸ் செய்தார்கள். அவர்கள் சொல்வதில் நியாயம் இருந்தது. காரணம் மொத்த கூட்டமும் லாட்ஜ் ரிசப்ஷன்,பார்க்கிங் கார்டனை சூழ்ந்து விட்டதால் அவர்கள் பிஸ்னஸும் பாதிக்கபட்டது.
அதனால் உடனே ஒரு பெரிய போர்டில் லாட்ஜ் வாசலில் தவிர்க்க முடியாத காரணத்தால் ஆடிஷனை ரத்து செய்கிறோம். அடுத்த முறை தகுந்த பாதுகாப்பு ஏற்பாடுகளோடு ஆடிஷனை நடத்த இருக்கிறோம். அதற்கான அறிவிப்பை முறைப்படி அறிவிப்போம் என்று சொல்லி கூட்டத்தினர் மத்தியில் அறிவிப்பு செய்து லாட்ஜ் வாசலில் பெரிய கொட்டை எழுத்தில் அறிப்பு பலகையை எழுதி வைத்தோம்.
